A preinscrición nas distintas quendas pode facerse entre o 10 e o 17 de xuño
01 jun 2025 . Actualizado a las 05:00 h.O Concello de Vimianzo vén de presentar os campamentos Vimiverán 2025, actividades para rapaces de 10.00 a 14.00, de luns a venres, con opción de madrugadores ás 08.00. A preinscrición, telemática ou na Casa da Cultura, pode facerse do 10 ao 17 de xuño, con preferencia para empadroados. Logo, o sorteo será o 18 ás 12.00. Cun prezo de 50 euros por quenda, haberá catro: do 23 de xuño ao 4 de xullo, centrada no Asalto; do 7 ao 24 de xullo, con VimiAstronomía e VimiDeporte; do 28 de xullo ao 14 de agosto, con VimiChef e Vimideporte; ao igual que do 18 ao 29 de agosto. Faranse campamentos nas parroquias se hai un mínimo de vinte inscritos, con tres quendas.