A proposta do certame é escribir nunha peza de menos de cen palabras o significado persoal dos inicios
11 jul 2024 . Actualizado a las 23:26 h.Gadis aposta de novo pola cultura coa posta en marcha da quinta edición do seu concurso de microrrelatos, un formato propicio debido á creatividade que hai que mostrar para construír un relato ben fiado en espazo tan curto. A proposta é escribir en menos de cen palabras o significado persoal dos inicios. As únicas condicións para participar son ter máis de 14 anos, cubrir o formulario na web gadismicrorrelatos.com antes do 8 de setembro e que os textos sexan orixinais, inéditos e redactados en castelán ou en galego.
En cada edición, Gadis busca unha temática diferente para enriquecer o concurso, que arrincou cos encontros, seguiu cos descubrimentos, os soños, a natureza e agora os inicios, sobre os que se dan algunhas ideas na web para empezar a historia: «O sol despuntando no outeiro ao amencer, a primeira flor que se abre no campo coa chegada da primavera, un bebé dando os seus primeiros pasos, atravesar unha porta que nos leve a un espazo por descubrir… Cada día danse lugar un número infinito de inicios, que abren camiños cara a novas maneiras de ser e facer».