Celino Camilo Gil e Concepción Villar serán homenaxeados na Romaría Interxeracional en Lalín
LALÍN
Celino Camilo Gil Rodríguez, de 97 anos, e Concepción Vila Barrio, de 95, ambos do casco urbano de Lalín, recibirán o domingo o recoñecemento de home e muller de maior idade na Romaría Interxeracional de Lalín que se celebra na carballeira de Barcia. Celino Camilo Gil será protagonista doutro premio xunto á súa muller Elisa Villar Lalín, polo matrimonio máis lonxevo, 71 anos.
Leontina Golmar Carballo e Manuel Portos Cadaviz serán distinguidos como a muller e o home con máis anos como emigrados. A primeira estivo 67 anos en Venezuela, e o segundo 13 anos en Brasil e 53 en Venezuela, os que suman 66 anos en total.
A Romaría conta con máis de 300 persoas xa confirmadas. Comezará ás 12.00 horas cunha misa, coa posterior actuación do Trío Digital musical. Ás 13.30 horas farase a entrega de premios, e rematarase co xantar, cun menú composto por empanada, polbo con cachelos, carne ao caldeiro e sobremesa. Inclúe bebidas e café.