As Pontes apoia ao plantel de Einsa nas súas protestas

La Voz AS PONTES / LA VOZ

FERROL

CEDIDA

O Concello recalca o seu respaldo aos traballadores

24 nov 2023 . Actualizado a las 09:43 h.

O Concello das Pontes amosou o seu apoio á plantilla de Einsa Print na convocatoria realizada polas traballadores e traballadores en Santiago. O comité de empresa organizaba esta protesta diante do edificio do Consello Económico e Social de Galicia, coincidido coa reunión que se estaba a celebrar entre comité e propietarios. O Concello recalca o seu respaldo aos traballadores que «durante os últimos días se atopan inmersos na negociación dun expediente de regulación de emprego, presentado pola empresa o pasado 30 de outubro».

A concelleira de Industria, Ana Pena, apuntou que «o ERE plantexado supón a perda de emprego para moitas familias das Pontes e concellos da contorna». O prazo de negociación remata o día 30 e de momento non hai avances.