Dani Abalo quere afinar sen présas a procura do mellor substituto de Míchel Alonso no Arousa

La Voz VILAGARCÍA / LA VOZ

FUTBOL GALLEGO

Dani Abalo, segundo pola dereita, durante a charla que Perú lle dirixiu este mércores aos xogadores do equipo de Tercera RFEF antes de dirixir o seu primeiro adestramento
Dani Abalo, segundo pola dereita, durante a charla que Perú lle dirixiu este mércores aos xogadores do equipo de Tercera RFEF antes de dirixir o seu primeiro adestramento MARTINA MISER

O director deportivo do club vilagarcián quere estudar a fondo os perfís dos candidatos que se lle están a ofrecer

13 feb 2025 . Actualizado a las 05:00 h.

Pase o que pase, Perú será o encargado de dirixir o Arousa este domingo na visita a un Polvorín que pretende recortar a vantaxe de 4 puntos que lle saca neste momento o conxunto vilagarcián. Así o ratificou onte o director deportivo do club. Entre outras razóns, porque é moi probable que, como mínimo, non sexa ata a vindeira semana cando Dani Abalo poida atoparse en condicións de anunciar un relevo definitivo para Míchel Alonso.

Nada máis facerse pública a saída do ferrolán do banco da Lomba, o teléfono de Dani Abalo se encheu de mensaxes de candidatos con cadanseu currículo. De Galicia, pero «muchos de fuera», di. Xente que coñece a categoría, pero na maioría dos casos, descoñecidos para o director deportivo do Arousa, metido de cheo esta semana en «documentarme mucho sobre los entrenadores» que ofrece un mercado moi condicionado pola norma que impide que un técnico con contrato nun equipo de categoría nacional —Tercera RFEF para arriba— ou que o tivera nalgún momento da presente temporada poida fichar noutro destino de calquera categoría nacional.

Así as cousas, Dani Abalo afirma non ter présa: «Tenemos que tener un poco de calma, averiguar cómo son los entrenadores que podemos fichar. No hay que precipitarse» cando falamos de asumir un equipo que, pese á súa actual situación, mantén o obxectivo declarado do primeiro día da pretemporada: ascender á Segunda RFEF.