A cita determinará o futuro de Manolo Abalo á fronte da presidencia do club
14 may 2025 . Actualizado a las 21:39 h.A directiva que preside Manolo Abalo vén de convocar os socios do Arousa á asemblea xeral ordinaria do club. A data elixida é o venres da vindeira semana, 23 de maio, ás 19.30 horas en primeira convocatoria e ás 20 en segunda, nun lugar inda por decidir. Na orde do día, a aprobación, se procede, da rendición de contas e da liquidación do exercicio económico 2024/25, o balance deportivo da presente temporada e rogos e preguntas. Da opinión dos socios asistentes, adiantou Abalo, dependerá o seu futuro no cargo.