Iker Losada: «Son catro puntos de seis ante rivais europeos e temos que seguir con esta dinámica»
GRADA DE RÍO
O canteirán do Celta non oculta o «malestar de ir gañando e que che empaten» fronte ao Atlético
16 feb 2025 . Actualizado a las 08:24 h.Iker Losada, que participou desde o banco no encontro deste sábado entre Celta e Atlético de Madrid, valorou as táboas coas que se saldo este compromiso «de maneira positiva», pero sen obviar que querían os tres puntos e que os viron de preto. «Temos ese malestar de ir gañando e que nos empaten, pero é algo positivo, algo que temos que levar con confianza para o partido do venres. Temos que seguir con esta dinámica», destacaba o xogador de Catoira, incorporación neste inverno como cedido polo Betis e que disputaba o seu terceiro partido como céltico deste o retorno.
A súa valoración é que o equipo está «moi ben» neste momento, polo que avoga por «seguir con esta dinámica», repetía. «Levamos dous partidos contra equipos europeos -Betis e Atlético de Madrid- sacando moitos puntos. Son catro e oxalá puidesen ser os seis, temos temos que seguir así de fortes e a tope para o venres», sinalaba xa pensando no compromiso de Balaídos fronte a Osasuna.
No se esqueceu Losada nas súas declaracións aos medios do club de agradecer o apoio da bancada visitante no Metropolitano. «Estabamos quecendo Borja (Iglesias) e mais eu e foi impresionante escoitalos nun estadio tan grande. É un orgullo, sobre todo para nós, que levamos tanto tempo na canteira. Nótase, fainos ser moi felices».
