As altas cualificacións outorgadas recentemente a varios viños da denominación pola revista The Wine Advocate , do crítico norteamericano Robert Parker, foron esgrimidas como argumento polos parlamentarios para incidir na necesidade de fomentar a produción vitícola na zona.
«Gran traballo»
Estas cualificacións, segundo o grupo parlamentario do PSOE, son unha proba «do gran traballo que están a facer os produtores da Ribeira Sacra para mellorar a produción e calidade dos viños que se producen baixo a denominación de orixe».
Este traballo, ao seu parecer, «debe ser correspondido co mesmo esforzo e implicación por parte da Administración autonómica» poñendo en marcha diferentes medidas destinadas a facilitar o acceso ás zonas de plantación de viñedo, impulsando a introdución de maquinaria moderna para a recollida da uva e favorecendo a conexión das adegas da Ribeira Sacra e negocios vinícolas á banda larga de Internet.