A irmandade que leva o nome do falecido galeguista entregoulle un agasallo
21 ago 2013 . Actualizado a las 00:06 h.Un caxato en memoria de Avelino Pousa Antelo. Iso foi o que hoxe recibiu, en Teo, o coordinador da Asociación Cultural Xermolos, Alfonso Blanco. Foi a primeira vez que se entregaba ese agasallo, que ten un valor simbólico: o que o recibe ten que comprometerse a manter vivos os valores pregoados en vida polo devandito galeguista, de cuxo pasamento se cumpre un ano.
Pousa Antelo, que en Teo pasou os derradeiros anos da súa vida, mantiña coa Terra Chá uns vencellos entre os que o festival de Pardiñas, organizado por Xermolos, ocupaba un lugar destacado. Adoitana acudir e conversar cos mozos, como lembrou Blanco tras recibir ese galardón.