A concellería de Cultura organiza máis de vinte actividades desde este sábado ata o 5 de xaneiro
17 dic 2020 . Actualizado a las 10:43 h.A concelleira de Cultura de Lugo, Maite Ferreiro, en colaboración con representantes da Mesa pola Normalización Lingüística, A Volta do Agro, a Asociación Socioeducativa Antonio Gandoy, Cántigas e Frores, Madia Leva!, Semente Lugo e Troupelear, presentou o programa de Nadal. Son máis de vinte actividades para todos os públicos, desde o sábado 19 ata o 5 de xaneiro, con alternativas por diferentes escenarios da cidade:
GUSTAVO FREIRE
· Sábado 19. III Festa de Benvida ao Apalpador, coas actuacións de A Volta do Agro, Cántigas e Frores e Troupelear.
· Día 22.Producións Dispersas, Tódalas Marabillas do Mundo.
· Mércores 23. Tropa de Trapo, co espectáculo 4 monos.
· Sábado 26. Pakolas, Cores, Contos e Rock'n Roll.
· Domingo 27. Assircopatas interpretará Rogelio, un paiaso en recuperación.
· Martes 29. Clownbatientes, de Imaginart
· Mércores 30. Fartura de Nadal, de Rilo&Penadique.
Todas as actividades comezarán ás 18.30 e serán gratuítas. Reserva en entradaslugo.es
MIHL e PRAZA DE ABASTOS
· Días 22, 23, 28, 29 e 30. Obradoiros para público familiar Adornamos o MIHL, Feliz Nadal e Artesanía de Nadal, de 10.30 a 13.30
· Días 26 e 27. Espectáculo Un Nadal curioso: As Saturnalias, de 17.00 a 19.00.
· Día 4. Obradoiro de arte urbana, para maiores de 12.
· Domingo 20. Dobre función de Queres que cho conte?, de Paloma Lugilde Producións, ás 12.00 no MIHL e ás 18.00 na Praza de Abastos. Entrada gratuíta, en entradaslugo.es.
Para os obradoiros é preciso reservar no 982 297 446 ou en mihlmuseolugo@gmail.com.
O VELLO CÁRCERE
· Días 26, 28, 30, 2, 3, 4 e 5. Obradoiros de panxoliñas, con sesións ás 11.00 e ás 12.15.
· Días 26 e 2. Contacontos de Nadal, Babar e Papá Noel. De 11.30 a 12.30 para nenas e nenos de 3 a 5 anos, e de 18.30 a 19.00 para os de 6 a 8.
· Domingo 27. Obradoiro Organicemos un boneco de neve!, destinado a nenas e nenos de 6 a 8 anos.
· Día 3. De 11.30 a 12.30, obradoiro Facemos Galletiñas!, para nenas e nenos de 3 a 5 anos.
As actividades precisan reserva no 982 297 195 ou en vellocarcere@concellodelugo.org.
ESPECTÁCULOS DE RÚA
· Sábado 19, de 17.00 a 18.30. A área de Cultura, en colaboración con A Volta do Agro, Asociación Socioeducativa Antonio Gandoy, Cántigas e Frores, Madia Leva!, Semente Lugo e Troupelear, organizan dous pasarrúas de Benvida ao Apalpador. O primeiro comezará no recinto histórico, pasando pola Avenida da Coruña e o Gustavo Freire, e o segundo comezará na Praza da Milagrosa e rematará no Gustavo Freire.
· Días 24 e 31. A partir das 12.00, Troula Animación percorrerá as rúas do centro con O Son do Nadal.