Unha foliada chea de actividades animará a ponte de decembro en A Fonsagrada

Laura López LUGO / LA VOZ

A FONSAGRADA

Imaxe de arquivo da foliada da Fonsagrada
Imaxe de arquivo da foliada da Fonsagrada MANUEL

Haberá concertos, bailes, literatura, artesanía, cine, roteiros e homenaxe a Florencio dos Vilares e Modesta de Noceda

11 nov 2021 . Actualizado a las 13:46 h.

Días 3, 4 e 5 de decembro • A Fonsagrada • 

Unha foliada cargada de actividades animará na Fonsagrada a primeira fin de semana de decembro, coincidindo coa ponte. Trátase dunha iniciativa, impulsada pola Asociación Cultural Petapouco e a Destempo, coa que buscan poñer en valor o patrimonio material e inmaterial e a cultura da comarca.

Nesta sexta edición renderase homenaxe a Florencio dos Vilares e a Modesta de Noceda.

O programa da foliada é o seguinte:

Venres 3

· 11.00h. Roteiro polas montañas. Muín do Penallo e Castro de Castañoso

· 21.30h. Cea

Sábado 4

· 11.00h. Apertura da Foliada e homenaxe a Florencio dos Vilares e Modesta de Noceda. As cegas de Ouselle

· 11.00h. Apertura da feira de artesanía

· 12.00h. Presentación do proxecto Avareira

· 12.00h. Pasabares. Kalandracas, A Musicleta

· 16.30h. Cine na Vila. Sergio da Veiga, O que queda de Nós

· 17.00h. Obradoiro de baile tradicional. Rebeca Tallón

· 18.15h. Ao son da lareira. Apatacón

· 19.30h. Cantos de taberna

· 22.30h. Concertos. Xabier Díaz & Adufeiras de Salitre, Galicia Fiddle, Os D’Abaixo

· 2.40h. Concertos da Arrancadeira. Habelas Hainas

Domingo 5

· 11.00h. Obradoiro sobre Florencio dos Vilares. Gutier Álvarez

· 13.00h. Vermú Polavileiro. Os Vellos Mestres, Monteavaro, Muñalén & Amigos

· 18.00h. Presentación do libro O Toque Pechado

· 20.00h. Concertos da Arrancadeira. Fransy, Davide e Cibrán

· 22.00h. Butelada popular

Sorteos

Por outra banda, desde a organización sortearán dous «packs polavileiros», formados por unha camisola, un ecovaso, unha chapa, ToteBag, butelada e participación da cesta. Os interesados en participar deberán seguir a páxina de Facebook «Foliada da Fonsagrada», mencionar na publicación do sorteo a dúas persoas e compartir a publicación. O prazo para participar remata o 27 de novembro.