O alcalde de Maceda e o seu grupo anunciaron publicamente onte a súa integración en Compromiso por Galicia.
-Vostede salientou a figura de Pérez Bouza en varias ocasións ¿iso xustifica o paso dado?
-Nós valoramos de maneira especial o traballo de Pérez Bouza e entramos neste proxecto porque compartimos esa forma de facer política, indo aos problemas reais dos cidadáns.
-¿Cre que a súa decisión motivará outras incorporacións?
-Penso que si, mais non porque nós deramos este paso senón porque hai moita xente que estaba a demandar un espazo novo e agora haino.
-¿Por que Compromiso e non Novo Proxecto Común?
-Por sentirnos máis identificados con este proxecto.
-¿Non se sentía identificado co proxecto do BNG?
-Xa dixen hai meses, cando abandonei o BNG, que nunca falaría mal da que foi a miña casa durante anos mais creo que hai un alonxamento da problemática real do país.
-¿En que sentido?
-A UPG, como forza maioritaría, incide máis na carga ideolóxica. Esta ben pero iso non soluciona os problemas do país.