O viño ourensán pode degustarse antes dos concertos de «Axúdame a sentir», o seu novo disco
13 mar 2024 . Actualizado a las 18:50 h.Xabier Díaz volve de novo cunha proposta musical xunto a Adufeiras do Salitre. «Axúdame a sentir» é o título deste novo traballo que toma o nome da expresión que ao artista lle dicía a súa avoa materna Obdulia.
Díaz considera que nos tempos que corren faise cada día máis necesario sentir e que a filosofía da súa avoa —«unha de tantas catedráticas sen título nesa célebre universidade da vida»— é máis necesaria que nunca nestes momentos nos que medra o binomio virtual-máquina. O Consello Regulador do Ribeiro colabora co proxecto promocionando o traballo de Xabier Díaz nos concertos de Galicia. Como xa se fixera no caso da película «Cuñados». O Ribeiro creou unha contraetiqueta para o ocasión, co título do disco, e o viño ourensán pódese degustar antes dos concertos de Díaz e Adufeiras do Salitre.
Día 22 • 20.00 horas • Teatro Principal • 19 euros •