O conselleiro de Cultura, Lingua e Xuventude, José López Campos, reuniuse cos alcaldes de ambos concellos ourensáns
04 jun 2025 . Actualizado a las 05:00 h.O conselleiro de Cultura, Lingua e Xuventude, José López Campos, continúa coa súa rolda de encontros cos responsables municipais galegos para reforzar a cooperación entre a Xunta e os concellos nas áreas da súa competencia. Nesta ocasión, mantivo sendas reunións cos alcaldes de Leiro, Francisco José Fernández, e de Amoeiro, José Luis González.
O conselleiro interesouse polos proxectos vinculados á posta en valor do patrimonio, a dinamización cultural e o impulso da lingua galega. López Campos destacou que estas reunións permiten escoitar aos alcaldes e alcaldesas, coñecer o traballo que xa están a facer e estudar fórmulas para sumar esforzos e dar resposta coas políticas públicas ás súas necesidades reais.