A feira celebrarase o día 8 de setembro no entorno de Santo Estevo
29 ago 2024 . Actualizado a las 05:00 h.Día 8 de setembro • De 11.00 a 20.00 horas • Zona de Santo Estevo • Allariz • A cita da vila coa feira anual de artesanía chegará o próximo día 8 de setembro. Creadores de Allariz e de toda Galicia participarán nesta iniciativa que cada ano ofrece a posibilidade de acceder a produtos únicos e feitos a man, vencellados á rica tradición artesanal da vila e de Galicia.
Vinte creadores exporán os seus traballos en «Arte de man». Serán A.N.D.R.E.A, Mor Talla, Paulinha Dárzoa, Zeltia Ao Aire, Upside Down, Magari Clay, Olería de Batán, Minha Naicinha, 3D Impresión, Xabier Varela, Luis Pachón, Artesanía Nómada, Estudo Aldea, Xogo de Fíos, Beatriz Fraga-Cestería, Enxógate, Rio Mao Estudio, Eugenio Soto-Vidreiro, Museo do Coiro e Berce do Lume. A nova edición do mercado foi presentada pola concelleira de Promoción Económica e a técnica dese departamento, María López e Eva Sampedro respectivamente.
Como cada ano o «Arte de man» incluirá obradoiros —de pulseiras e estampación en bolsas de tea— e a animación musical correrá a cargo de Pirata sen parche.