O escritor e crítico de cine Miguel Anxo Fernández falou do seu personaxe literario cos alumnos do instituto
28 feb 2025 . Actualizado a las 05:00 h.A saga de Frank Soutelo ten un espazo de honra na vila do Carballiño. De alí é o creador deste particular detective —o escritor, crítico de cine e profesor Miguel Anxo Fernández— e nas entregas protagonizadas polo investigador son constantes as referencias e andanzas polo pobo. De feito Frank Soutelo ten un roteiro propio polos casco urbano carballiñés que conta con varias esculturas e placas orientativas. Ademais dun folleto e outros materiais presentados hai unhas semanas.
Para falar sobre o seu personaxe, as súas aventuras, a vinculación co Carballiño e as novas entregas desta saga de novela negra Miguel Anxo Fernández mantivo un encontro cos alumnos do IES Chamoso Lamas.