Vilar de Santos celebrou a segunda Festa da Arracada
08 jun 2025 . Actualizado a las 17:41 h.A aldea de Saa acolleu a II Festa da Arracada-Beltane, unha celebración que volveu reunir a veciñanza e visitantes arredor da cultura castrexa
O público desfrutou dunha completa programación que incluíu música en directo, espectáculos inspirados nos rituais e cerimonias da antigüidade como as vodas castrexas, o rito do lume coa queima da efixie e unha cea popular celebrada ao aire libre, en plena natureza.
A celebración estivo organizada polo Concello de Vilar de Santos e a asociación Civitas Limicorum. Queren consolidala como unha cita de referencia para a posta en valor do patrimonio inmaterial da comarca, combinando divulgación histórica e celebración colectiva nun entorno privilexiado.