A defensa da lingua conduce os Premios Galegos da Cultura en Pontevedra

«Apostemos para que a lingua galega non se cerre en si mesma e dialogue co resto do mundo. A lingua non é algo local, a través dela está a cultura». As verbas de Víctor Fernández Freixanes, presidente da Real Academia Galega, cando recolleu o premio de Proxección Exterior polos cursos de verán Galego sen fronteiras ben podía ser o hilo condutor da gala dos Premios da Cultura Galega 2023, que celebráronse este mércores no convento de Santa Clara, en Pontevedra. Esa unidade arredor do idioma e do potencial internacional da comunidade a repetiron cada un dos galardoados nun acto que pechou o presidente da Xunta. «A cultura é un baremo fiel para saber a liberdade dun pobo e non sempre ten que ser un símbolo de resistencia», sinalou Rueda, que destacou o legado que deixan cada un dos premiados.

A poeta Yolanda Castaño subiu ao escenario de Santa Clara para recoller o Premio da Cultura Galega das Letras. «Non sei en cantos ámbitos Galicia é un referente, so sei que na poesía o é, pero non por o apoio das institución», comentou a poeta ante un auditorio no que xunto ao presidente da Xunta, estaban o conselleiro de Educación, Román Rodríguez; o alcalde de Pontevedra, Fernández Lores, e o presidente da Diputación de Pontevedra, Luis López.

Ao agradecemento reivindicativo de Yolanda Castaño seguiu o da Banda de música Unión de Guláns, de Ponteareas, unha agrupación centenaria que recibiu o premio da Musica por, como dixo a súa portavoz, «ser a pequena Salzsburgo». Defendeu o papel das bandas na difusión da cultura galega e pediu «máis respaldo para dar acceso a educación musical». Foron quen de levantar ao público dos asentos ao tocar un Himno de Galicia, ao que lle puxo voz a soprano Esperanza Mara. Foi o peche dun evento onde a tradición mesturouse coa vangarda.

O premio de Audiovisuais foi para Portocabo. A produtora de series como Hierro ou Rapa ten en Alfonso Blanco e Eva Fernández a súa cara visible, pero as máns que a empuxan son moitas máis. De feito, Blanco lembrou a súa infancia na aldea para poñer en valor a importancia da comunidade. «Aí aprendín que o ben colectivo mellora a contorna», apuntou antes de dedicarlle o premio a seus fillos Mario e Ana.

O Museo do Gravado á Estampa Dixital recibiu o premio as Artes visuais, mentres o investigador Eduardo Pardo de Guevara recolleu o premio de Patrimonio Cultural polo seu traballo sobre a Baixa Idade Media en Galicia. A labor de tender pontes as dúas beiras do Miño a través dun elemento común como o idioma valeulle a Ponte... nas ondas! o premio da Lingua.

No Apartado de artes Escénicas, PistaCatro recibíu un galardón pola súa permanente renovación e sorpresa nos espectáculos. «Como o vento, somos unha realidade en movemento», agradeceu dende o estrado un dos fundadores da agrupación circense, que este ano cumpre a súa maioría de idade.

---

---

---