As parlamentarias Olalla Rodil, Raquel Arias e Paloma Castro, nos Faladoiros Feministas de Pontevedra
PONTEVEDRA
As representantes do PP, BNG e PSOE aportarán a súa vísión da política e do feminismo
01 abr 2025 . Actualizado a las 05:00 h.«É un melón que hai que abrir, xa que as políticas atopamos barreiras fóra, pero tamén dentro». Con estas palabras, a concelleira de Igualdade de Pontevedra, Anabel Gulías, a temática do segundo dos Faladoiros Feministas que se desenvolverá este martes, 1 de abril, no Teatro Principal partires das 19 horas. A entrada é libre ata completar o aforo.
Este ciclo enmarcase a programación municipal vencellada ao 8 de Marzo, 8M, e que está guiada polo lema O feminismo mellora o mundo. Tamén para ti. Deste xeito, a sesión deste martes pivotará en torno ao feminismo e a política coa intervención de tres parlamentarias autonómicas de outros tantos partidos políticos.
Estas analizarán «o papel que xogan as mulleres na política, a proxección que teñen e as críticas que reciben, os solos pegañentos que lastran o seu avance e os teitos de cristal que quedan por rachar.... E tamén falarán de ata que punto os seus compañeiros de partido considéranas (ou non) unha igual», precisaron dende o Concello de Pontevedra. Ademais, explicarán «como o feminismo cala e modela o ideario da súa formación ou se a sororidade transcende aos partidos», engadiron que as tres parlamentarias galegas que falarán das súas experiencias e analizarán a situación das mulleres na política son Paloma Castro, do PSOE, Olalla Rodil, do BNG, e Raquel Arias, do PP. Moderará a sesión a xornalista María Varela.
Os Faladoiros Feministas comezaron o pasado mércores coa karateka Ruth Lorenzo Couso quen analizou, a partir da súa traxectoria persoal e deportiva, a situación das mulleres no deporte, e rematarán dentro dunha semana, o 8 de abril. Será entón cando a sesión pivotará en torno á cultura coa presenza de Tanxugueiras, o trío de pandeireteiras formado por Aida Tarrío e as irmás Sabela e Olaia Maneiro. «Elas abriron fronteiras na lingua e amosaron que non hai fronteiras e o valor do patrimonio inmaterial gardado polas mulleres», engadiu a concelleira Anabel Gulías.