Actividades en Pontevedra, Bueu e Campo Lameiro polo Día dos Museos
![Alfredo López Penide](https://img.lavdg.com/sc/NKpMGimiaSDk5tloIymUM6TzPsk=/75x75/perfiles/175/1623322863108_thumb.jpg)
CAMPO LAMEIRO
![](https://img.lavdg.com/sc/nph2z9EaKT4-ym3am-ziKWM07Fk=/480x/2023/05/19/00121684517821781271491/Foto/P19Y3005.jpg)
Con ocasión da conmemoración do Día dos Museos, programáronse este sábado distintas actividades tanto na capital provincial como en Campo Lameiro.
Así, a partires das 1230 horas, o público familiar a partir de 3 anos poderá gozar no Edificio Castelao dun espectáculo no que se mesturan narración oral, teatro de obxectos, monicreques e clown, O peirao. Esta obra, de Diáspora Teatro, ofrece contos sobre como se debe coidar a natureza.
![](https://img.lavdg.com/sc/Dkvo3BPYAPFrKUlWhNVbWrvVl44=/480x/2023/05/19/00121684517822125771402/Foto/P19Y3006.jpg)
Pola súa banda, o Museo Massó, de Bueu, súmase a esta conmemoración co obradoiro didáctico Redes de Mallo. Esta actividade, prevista para maiores de 6 anos, desenvolverase dende as 12 do mediodía. Tamén se prevé a apertura da exposición O museo crece, con cinco infografías que ilustran o estado final dos espazos e fachadas nas que se vai intervir no proxecto de rehabilitación e ampliación.
No caso do Parque Arqueolóxico da Arte Rupestre (PAAR) de Campo Lameiro celebrará a efeméride coa entrada gratuíta.