O pregón correrá a cargo de Eduardo García-Rodeja, vicerrector da Universidade de Santiago Actuacións musicais e folclóricas e unha mostra etnográfica complementarán o programa de actos
24 sep 2003 . Actualizado a las 07:00 h.? comisión organizadora da Festa da Castaña do Courel xa escolleu unha data, o 15 de novembro, para celebrar a decimosexta edición desta popular cita gastronómica. Seguindo o sistema rotatorio utilizado desde os comezos da festa, nesta ocasión corresponde celebrala la localidade de Seoane. Os responsables da festa tamén contan cun pregoeiro para a próxima edición, que será o vicerrector de investigación da Universidade de Santiago, Eduardo García-Rodeja. O programa de actividades, aínda en curso de elaboración, será moi similar ó de anos anteriores. O acto principal consistirá nunha degustación gratuíta de castañas do Courel que se celebrará durante a mañá no campo da festa de Seoane. Ó longo do día haberá ademais unha serie de actuación musicais e folclóricas a cargo da Banda de Gaitas do Courel e outras agrupacións. Asimesmo, en Seoane poderá verse durante a xornada unha exposición de aveños agrícolas, ferramentas tradicionais e productos típicos da serra. A organización do festexo é responsabilidade dos hosteleiros e comerciantes do municipio, que contarán co apoio económico e a colaboración do Concello.