Convocadas as axudas para as entidades encargadas do control leiteiro en Galicia
GANADERÍA
O presuposto é de un millón de euros e poderanse solciitar ao longo dun mes
02 ene 2025 . Actualizado a las 13:01 h.O Diario Oficial de Galicia publica hoxe a orde que establece unha nova liña de axudas destinada a financiar o labor das entidades oficialmente recoñecidas para a realización do control leiteiro na comunidade. A convocatoria está dotada cun total de 1 millón de euros, o que representa un incremento do 33% respecto ao orzamento asignado en el 2024.
Estas subvencións teñen como obxectivo compensar parte dos gastos asumidos polas entidades recoñecidas, destacando os importantes beneficios que o sector leiteiro recibe pola implantación xeneralizada deste sistema de control. Poderán optar a estas achegas aquelas entidades oficialmente recoñecidas pola comunidade autónoma como terceiros encargados da realización do control leiteiro oficial.
O prazo para presentar as solicitudes será dun mes a partir de mañá, día seguinte á publicación da orde no DOG. As actividades subvencionables inclúen as actuacións orientadas a comprobar sistematicamente as producións e outras aptitudes funcionais das femias reprodutoras leiteiras. Estas actividades teñen como finalidade determinar o valor xenético, os méritos ou outras capacidades dos animais no marco dun programa de cría aprobado oficialmente para a raza correspondente.