Roberto García, reelexido secretario xeral de Unións Agrarias, invita á industria a acabar coa confrontación

Non faltou ninguén. O XII Congreso Nacional de Unións Agrarias celebradado esta mañá en Santiago de Compostela non só foi un acto no que un 94,4% dos delegados revalidaron o liderazgo de Roberto García ao fronte da organización agraria despois de 38 anos, senón que foi a evidencia de que os gandeiros e agricultores deben de camiñar da man da industria e das administracións para poder continuar avanzando na transformación dun sector necesario no que «non sobra ninguén» porque como dixo o propio presidente da Xunta, Alfonso Rueda, durante a súa intervención na inauguración do Congreso «cando ao noso agro lle vai ben, a Galicia vaille ben». E tanto Roberto García como o secretario xeral da UPA, Cristóbal Cano, aproveitaron para recordar a convocatoria de manifestación prevista para o día 20 para pedir unha política agraria común (PAC) con fondos suficientes para poder afrontar os retos que veñen para o sector.  

Proba desa necesdade de camiñar da man foi que no seu discurso o titular da Xunta referiuse a Unións Agrarias como «a primeira organización agraria en representación en Galicia» e un «interlocutor necesario» á hora de afrontar retos tan importantes como a moratoria do eucalipto. E García aproveitou para invitar á industria _alí estaban Carmen Lence, de Grupo Lence; Antonio Larrea, de Naturleite; ou Sergio Vargas, de Entrepinares, entre outros_ a ser «colaboradores imprescindibles, aparcando a confrontación do pasado» e abogou por chegar a un acordo fóra dos tribunais sobre os procesos abertos polo suposto acordo de prezos fixado hai anos por algunhas industrias lácteas.

Sobre a moratoria do eucalipto Roberto García también foi claro ao expoñer a postura da organización: «Non é negociable aceitar novas prantacións en terras agrarias nin en Rede Natura, pero a moratoria non resolveu o problema do piñeiro e polo tanto no é solución o non polo non». E ademáis de pedir servizos dignos e prezos xustos para o medio rural, deu un repaso polos problemas e retos que teñen por diante os gandeiros e agricultores galegos. Dende a convivencia co lobo, un asunto sobre o que dixo que a súa organización non quere cazas de lobo, senón que busca ter unha ferramenta de actuación cando haxa un problema reiterado. E reclamou á Xunta e aos responsables das distintas administracións que poñan en marcha medidas para zanxar a triple discriminación que sofren as mulleres no medio rural.

Outro dos que interveu na inauguración, ademáis do secretario xeral da UPA, foi o delegado do Goberno en Galicia, Pedro Blanco, quen dixo que está laro o «traballo, diálogo e colaboración» do Executivo de Pedro Sánchez co sector agrario para garantir o futuro do rural. E o ministro de Agricultura, Luis Planas, aínda que non acudiu a Santiago mandou unha mensaxe na que recoñeceu a Unións Agrarias o feito de ser un precursor da Lei da Cadea Alimentaria. 

Á inauguración do Congreso da organización que representa a uns 9.100 explotacións de «todo tipo de la ideología»non faltou ninguén. Nin o presidente da Xunta, Alfonso Rueda; nin o delegado do Goberno en Galicia, Pedro Blanco; non a conselleira do Medio Rural, María José Gómez; nin o secretario xeral da UPA, Cristóbal Cano; nin o presidente da Deputación de A Coruña, Valentín García; nin o secretario xeral do PSdeG, Xosé Ramón Gómez Besteiro; nin alcaldes das principais comarcas gandeiras, nin representantes das principais industrias lácteas e cárnicas con presencia en Galicia.

---

---

---