Ata 6.500 euros por unha xovenca preñada na Poxa de Rubia Galega de Adai

La Voz LUGO

GANADERÍA

No municipio do Corgo logrouse un novo récord para os exemplares do centro de recría cun prezo medio de 3.933 euros, o máis alto da historia na feira

23 jun 2025 . Actualizado a las 19:36 h.

A parroquia de Adai, no concello lucense do Corgo, converteuse este sábado no epicentro da Raza Rubia Galega co trixésimo octavo concurso nacional, unha exposición cos mellores exemplares e a tradicional poxa, organizada pola Asociación de Criadores de Raza Rubia Gallega (Acruga) e que chegou a súa 103 edición.

A Deputación de Lugo vendeu un total de 18 xovencas preñadas. Os exemplares, de idades comprendidas entre os 21 e os 32 meses, foron ofertados cun prezo de saída de 2.300 euros, pero sete delas foron adxudicadas por máis de 4.000 euros. Todas as reses, preñadas con entre 4 e 7 meses de xestación, procedían de explotacións repartidas pola provincia e situadas en municipios como Pol, Vilalba, Castroverde, A Fonsagrada, Paradela, Láncara ou Becerreá, entre outros. 

As dúas mellores lograron unha poxa moi desputada e un prezo final de venta que chegou aos 4.300 e aos 6.500 euros. Agás no caso dunha explotación toledá o resto de xovencas foron para explotacións lucenses. Ademais, na exposición, onde se reuniron arredor de 100 dos mellores exemplares de Rubia Galega de gandeirías de Lugo e Pontevedra, a institución provinical tamén participou con outras 8 xovencas.

Os exemplares de Rubia Galega son criados na granxa Gayoso Castro que a institución provincial ten en Castro Riberas de Lea en colaboración coa Acruga, que supón un dos principais referentes na mellora da xenética desta raza autóctona. A poxa, que comenzou pouco antes das 13.00 horas e finalizou pasadas as 15.00 horas, permitiu a gandeiros de varios municipios de Lugo facerse ben con machos ou con xovencas preñadas que pasarán a integrar as súas explotacións de concellos como Barreiros, Láncara, Ribadeo, Vilalba, Becerreá, A Fonsagrada, Castroverde, Pedrafita do Cebreiro, Sarria e en Talavera de la Reina, en Toledo, explotación para a que se irán dúas das xovencas subastadas este sábado.

Con respecto ao concurso, entre os gandeiros máis premiados figuran Manuel López Quiroga, de Samos, que se fixo con seis premios, catro deles primeiros e o de mellor lote de reses. Tamén destacou Ganadería La Morena, de Friol, con cinco premios e José Antonio Ferreiro Palacios, do Corgo, gañador de catro distincións. También foron recoñecidas cun ou varios premios as gandeirías de Pena Guisande, de O Páramo; Manuel Antonio Fernández Rodríguez, de Lugo; Ganadería Santalla, de O Corgo e a de Alejandro Gutiérrez Villanueva, de Rodeiro.