A última hora, Emilio Gutiérrez Caba pospuxo a súa presenza para o vindeiro sábado Un libro sobre o traballo de Juan Diego centrará a homenaxe da xornada ao actor
04 nov 2006 . Actualizado a las 06:00 h.O debut na longa distancia de Gustavo Ron, Mía Sarah , abriu oficialmente a undécima edición do Festival de Cine de Ourense, que durante oito días suporá a exhibición de máis de 120 cintas, dende longametraxes (10) ata curtas (60) ou documentais (10). Este percorrido polas producións independentes vén avalado por numerosos premios noutros certames europeos. A gala inaugural de onte incluíu un convenio co festival de Oporto, Fantasporto, para intercambiar proxeccións e experiencias no futuro. Aínda que centos de invitados abarrotaron o auditorio para a apertura do certame, faltou o homenaxeado do día, o actor Emilio Gutiérrez Caba, que explicou onte desde Orihuela que un cambio de datas na súa xira teatral e a incorporación da poboación alacantina a última hora lle impedira acudir a Ourense. O actor indicou que, «en cualquier caso», acudirá «el próximo sábado a la gala de clausura». Para Emilio Gutiérrez Caba, a situación do cine actual é a que corresponde a un cine «muy sometido a la esfera norteamericana, muy influenciado por la presencia de las películas americanas y casi dependiente de ellas en las taquillas». Sinalou o actor que un dos traballos dos festivais é incrementar a difusión e o coñecemento do cine español, e valorou a aportación «que los festivales que dan protagonismo al cine propio están realizando». Para Gutiérrez Caba, é máis preocupante a polarización das taquillas en favor do cine foráneo e dos grandes títulos comerciais. Neste sentido considera que «la situación del cine español es más o menos la misma de los últimos años, salvando dos o tres títulos que sí han tenido repercusión en la taquilla». Carteleiras estranxeiras O actor apuntou que esta situación reducía considerablemente a presenza do cine español nas pantallas, «hasta el punto de que las películas pueden desaparecer de las carteleras antes de que el público tenga la oportunidad de verlas». Sinalou ademais que a industria precisa ofrecer novidades nas historias e nas caras, e indicou que «quizás por eso puede parecer que no se cuenta con los veteranos». «Pero creo, al menos en mi caso, que la mayor parte de la gente de toda la vida siempre ha estado ahí y se ha contado con ellos», matizou. Gutiérrez Caba puxo como exemplo o caso de Juan Diego, que hoxe será homenaxeado en Ourense e que «nunca dejó de trabajar en cine».