O Festival de Títeres de Redondela ofrece cincuenta funcións esta fin de semana
TELEVISIÓN
? oitava edición do Festival internacional de Títeres de Redondela ofrecerá ao longo desta fin de semana case cincuenta funcións dos máis variados e exóticos espectáculos de manipulación e títeres. A aportación internacional desta oitava edición do memorial Juanjo Amoedo presta atención a Iberoamérica e máis ao continente asiático. Desta última zona destaca a presenza da compañía india Aakaar Puppet. No mesmo programa, dentro dos espectáculos de rúa, destaca a presenza dos chineses Hog Kong puppet and shadow art e a compañía keniata Krystall puppeteers. Grupos húngaros, rusos e franceses completan a oferta para espazos ao aire libre, que contará con máis de corenta funcións entre hoxe e mañá. A programación de sala está repartida entre asturianos, italianos e a compañía peruana que fará dúas funcións na tarde de mañá. Hoxe, Kamante Teatro ofrecerá Qué viene el lobo na función das 17 horas. Na das 21, será a italiana Laura Kibel a que realizará Và dove ti porte il piede. Mañá La santa rodilla montará Manologías.