O concerto comeza ás 19.00 horas e hai artistas convidados
25 may 2025 . Actualizado a las 05:00 h.Xosé Liz leva máis de dúas décadas adicadas á música tradicional. Nesta viaxe sonora, agora dá un salto adiante con Indala, o seu novo proxecto musical, que verá a luz por primeira vez hoxe na Sala Rebullón, ás 19.00 horas, con varios artistas convidados.
Ao longo da súa traxectoria, como músico e docente, o vigués ten gañado prestixio no ámbito da música folk e celta. O seu percorrido levouno a formar parte de producións con Susana Seivane, Rodrigo Romaní, Cristina Pato, Sondeseu ou Anxo Lorenzo, entre outras.
Ademais, Xosé Liz é un habitual de festivais de referencia no folk, como o Intercéltico de Lorient, o festival de Ortigueira, o Celtic Connection de Glasgow ou o Piping Live, en Irlanda.
Entrada desde 12 euros.