A UNED festexa o seu vixésimo aniversario en Viveiro cun ciclo de conferencias sobre historia, turismo, gastronomía ou bulos climáticos
A MARIÑA
O doutor en Historia Moderna Rubén Castro Redondo ofrecerá este mércores a charla «O Reino de Galicia na Idade Moderna»
16 sep 2025 . Actualizado a las 22:49 h.A UNED festexa o vixésimo aniversario da súa Aula Universitaria de Viveiro cun ciclo de conferencias sobre sustentabilidade, historia ou desenvolvemento local, entre outros. Tralos relatorios do luns (coa biológa ambiental Paula Fernández Moure, sobre bulos climáticos) e do martes (por conta da xefa da área provincial de Turismo, Paloma Vázquez Fernández, sobre o turismo «sostible, realista e viable»), o doutor en Historia Moderna Rubén Castro Redondo charlará este mércores, 17 de setembro, sobre o Reino de Galicia na Idade Moderna. Este xoves, día 18, o avogado e mediador do ICALP Lugo Jorge Lorenzo Neira Rodríguez ofrecerá o relatorio «Por que resolver os conflitos a través da mediación?». E o venres, día 19, o emprendedor social e director de Pra_Todo, Lucas Requejo Fernández, analizará a relación entre a alimentación e a gastronomía como motor de desenvolvemento local. A actividade está dirixida a todas as persoas interesadas e contribúe aos Obxectivos de Desenvolvemento Sostible, promovendo o coñecemento e o compromiso co territorio.