A primeira xornada do Torneo Internacional Alevín BBC Vilagarcía converteu o CB O Meco do Grove e o COB Ourense nos dous equipos que hoxe, ás 13.30 horas no pavillón de Fontecarmoa, xogarán o partido polo título da terceira edición do campionato.
Grovenses e ourensáns amosáronse moi superiores ao resto dos seus rivais da fase de liguiña. O Meco venceu o Vasco de Gama portugués, o Cortegada e mais o Liceo Casino, mentres que o conxunto da cidade das Burgas dobregou o Oporto, o BBC e o Arxil.
A segunda e derradeira xornada do torneo do BBC arrinca hoxe ás dez da mañá cos partidos polo sétimo e oitavo postos, entre o Arxil e un Liceo que perdeu todos os seus encontros da fase de liguiña, e pola quinta e sexta prazas, nun duelo vilagarcián entre o Cortegada, que só foi quen de gañarlle ao Liceo no seu grupo, e o equipo anfitrión, que derrotou o Arxil e perdeu co COB e co Oporto. Este último loitará a partir das 11.30 horas polo terceiro posto co outro conxunto luso do campionato, o Vasco de Gama. Antes da final xogaráse un two ball .