O conxunto grovense reaccionou no primeiro treito da reanudación, pero a súa remontada quedou a medio camiño
30 oct 2018 . Actualizado a las 05:00 h.O resultado final, 28-20, tan só reflicte a medias os méritos e deméritos do conxunto que dirixe Kito Parada na súa visita o sábado á cancha do Procoaf Gijón. Oito goles de desvantaxe que se axustan aos pobres quince últimos minutos da primeira parte do Rasoeiro, que co seu xogo impreciso alfombrou o despegue do rival, pasando dun 7-4 a deixar practicamente visto para sentenza o choque ao descanso: 17-9.
A charla de Parada aos seus pupilos no intermedio reactivou o xogo do Rasu. Trece minutos mantivo o conxunto grovense o seu rival sen marcar, recurtando a tres a diferenza practicamente mediado o segundo tempo. Dúas infraccións en ataque do cadro meco cortaron a súa remontada, e un excesivo parcial de 4-0 en contra no treito final inflou a derrota.
FICHA:
PROCOAF GIJÓN (28): Cardín, Madrazo, Rionda, Cortina, Devyn (2), David Ortega (12), Javier, Álex García (1), Kevin (2), Diego (3), Hugo (2), Armando, Alfredo (1), Espina (1), Juanjo (4) e David
CALMEAR RASOEIRO (20): Nacho (1), Omar (2), Álvaro, Rodrigo Mouco (2), Bruno (5), Martín (1), Sergio (2), Pablo (4), Borja (1), Henrique, Adrián Mouco, Aarón (1), Adrián, Manuel, Alan (1) e Brais
Marcador cada cinco minutos: 4-1, 5-3, 7-4, 12-5, 15-6, 17-9 (resultado ao descanso); 17-11, 18-13, 20-16, 23-17, 25-19 e 28-20.
Árbitros e exclusións: Leyre Fernández e Maite López. Castigaron con 2 minutos os locais Javier (2) e Alfredo, e os visitantes Bruno e Sergio.