Danza, teatro, clown, música e un sinfín de motivos polos que facer vecindade

Ademais da Atlantic Games Conference en Carballo ou da dobre cita divulgativa e literaria no Casino 1998, tamén na capital de Bergantiños, estas outras propostas para hoxe, sábado, na Costa da Morte: 

Carballo • Comida solidaria do cancro • Organiza a xunta local carballesa da AECC. Ás 14.30, no restaurante Punta del Este. Con DJ e sorteos.

Carballo • Danza • Ás 20.30, no Pazo da Cultura, espectáculo Together to get there, de Lali Ayuadé. Entradas en billeteira.caballo.gal, ou no propio Pazo dende as 19.00.

Vimianzo • Teatro • Ás 20.30, na Casa da Cultura, Reconversión, con Ibuprofeno Teatro. Entradas en ataquilla.com ou no edificio, dende as 19.30.

Cee • Comedia clown • Avanza a Primavera Cultural (20.30) con A vida é un frenesí, comedia clown para todos os públicos, que trata o paso do tempo, a familia ou a actualidad sociopolítica, todo en clave de humor. Entradas en ataquilla.com ou ben na Casa da Cultura, hoxe: 12 euros.

Zas e Cerceda • Baile social • Mudan de horario as sesións de baile para maiores en Zas para adaptarse ao verán. Hoxe, de 20.00 a 23.00, actúa Blanca Doble no centro sociocultural. En Cerceda —edificio do Moucho— será ás 19.00.

Varias localidades • Reunións asociativas • Santa María da Ardaña (Carballo) organizou para hoxe no centro social unha Pulpada: vermú ás 13.00 co DJ Sebas, xantar e animación toda a tarde. A comisión de Paiosaco, do seu lado, festexa a segunda Feira de Abril, das 13.30 en adiante. Tamén se reúne nunha comida-baile a comisión de San Xurxo de Camariñas: carpa no CEIP O Areal. O Comité de Irmanamento de Carballo con L’Isle Jourdain promove la Escola de Arrabaldes unha sesión de anécdotas e receitas italianas coa escritora e artista Fabiana Gastaldello: 16.00 para adultos e 18.00 para familias. En Ponteceso, a asociación de veciños Os Seixos (Tella) promove a terceira edición do encontro Eu fun a EGB: 23.00 horas, «cos mellores DJ da Ponte»ey ata photocall dos anos 80 e 90.

Cabana • Concerto • Impulsa a asociación cultural Cormoráns, co apoio do Concello. Ás 19.00, con entrada de balde no auditorio municipal, actuación dos grupos Full System e Retro Tool, dúas das formacións musicais da academia carballesa English Rocks.

Preparándose para os Días Europeos de Artesanía

A sede da Fundación Pondal, no Couto, Ponteceso, ten por diante intensas xornadas. Hoxe, xunto con Malpica e Carballo, será unha das localidades acolledoras dunha nova actividade do Centro de Formación e Recursos do Profesorado (CFR), que xunguirá as artes de Díaz Pardo, Urbano Lugrís e a arte urbana de Carballo. Doutra banda, para mañá, no Couto, está prevista a conmemoración dos Días Europeos da Artesanía, como se fará noutros puntos de Galicia. Neste caso, de 10.00 a 14.00, o que haberá é un taller de modelado de barro con Feituras.

---

---

---