Axenda diaria | O seu monólogo é unha das citas do día, mais non a única neste festival nin moito menos na Costa da Morte
03 oct 2025 . Actualizado a las 05:00 h.Hoxe • Venres 3 de outubro e bota a andar a programación de sala do Festival Internacional Outono de Teatro de Carballo, o FIOT. Debería ser con Territorio regueifa, mais a baixa médica de Josinho da Teixeira impídeo, polo que Aquí tou!, de Xosé Antonio Touriñán, tamén coa produtora Ainé, será o espectáculo que dea arranque a un dos programas máis agardados en Carballo. Tanto así que Aquí tou! xa esgotou prazas. O texto, de José L. Prieto e o propio Xosé A. Touriñán, percorre con humor e emoción os momentos clave da vida do actor. Unha viaxe entre realidade, ficción e, ante todo, cultura popular galega: 21.00, no auditorio do Pazo.
Tamén dentro do FIOT, no apartado Teatro de Rúa, visitará hoxe a localidade Pista Castro, con Sen patrón: 19.30, na Praza. A Rúa dos Contos fará parada no café Valle Inclán: Chegar e encher, con Bea Campos (23.00). Xestión de entradas en ataquilla.com.
Cerceda • Bota a andar Cerceda Tapea, iniciativa do Concello con tapas a 2 euros. Hoxe, de 19.00 a 22.00, na Taberna (Cerceda), A Estación (Queixas), O Estanco (Meirama), O Parque (Cerceda) e O Tío Pepe (Cerceda). Con cada tapa, un rasca para agasallos e sorteos.
Vimianzo • O ciclo Mestre Mateo inclúe para as 20.00 na Casa da Cultura unha proxección de curtas: Nai, Véxote, Pura. De balde.
Laxe • Na libraría Risón, ás 19.00 horas, presentación do libro Punto de araña, de Nerea Pallares (Galaxia, Premio García Barros 2025).
Ordes • O cercedense Ramón Vilar Landeira presenta esta tarde, ás 20.00 no Museo do Traxe de Ordes, a súa publicación Nós estamos ben, non? (Espiral Maior). Estará acompañado da presidenta da Manocumunidade de Ordes, Susana García, e do escritor e editor Miguel A. Fernán Vello.