La Voz Explica: Profesores da escola pública galega axúdanvos a preparar a selectividade
12 nov 2025 . Actualizado a las 18:47 h.Esta semana falamos de filosofía, arte, historia e química na serie de LVE Explica dedicada á selectividade.
«Os comentarios de texto en Filosofía teñen introdución (contexto), análise (sinalar as ideas), desenvolvemento (explicalas) e conclusión (influencia)».
Xosé Manuel Domínguez, profesor de Historia da Filosofía no IES Salvaterra de Miño, desvelou os seus trucos do comentario de texto: «O comentario debe ter catro partes ben diferenciadas. A primeira é a introdución e debes incluír o contexto histórico e filosófico do autor, mergullarte na súa biografía. Unha vez feito, terás que analizar o texto que che propoñan, identificando a idea principal e as secundarias e os conceptos clave. Despois chega o desenvolvemento, no que debes explicar as ideas do autor. E a conclusión é resumir a súa influencia no futuro, mesmo na actualidade».
«Na metopa Centauromaquia no Partenón, Fideas introduce a simboloxía do raciocinio fronte á barbarie»
Francisco Canoura, profesor de Fundamentos da Arte no IES Salvador de Madariaga (A Coruña), fixouse na Centauromaquia, unha das metopas do friso do Partenón encargada por Fidias: «Na PAU, primeiro teriades que falar do contexto histórico-artístico da obra e despois continuar coa análise formal e técnica» dunha obra con todas as características do clasicismo grego e o simbolismo da loita entre os humanos (raciocinio) e os centauros (a barbarie).
«Lo primero es calcular los moles que tenemos en la reacción de cloro»
Para os máis científicos, Susana Vallejo fala da resolución dun exercicio clave no exame de Química da PAU. A profesora do IES A Pinguela de Monforte detallou, paso a paso, como resolver un problema de reaccións químicas. É un exercicio de estequiometría, unha palabra estraña, pero que xa deberías coñecer.
«Na pregunta competencial de Historia de España hai que identifica dous erros, explicalos e facer unha enunciación correcta do texto»
Álvaro Rodríguez, profesor de Historia de España no IES A Paralaia (Moaña) propón ao alumnado un exercicio con dos erros para que o resolva. É a pregunta competencial da PAU e neste caso o exemplo do que fala é do Catastro de Ensenada «presentado en 1626, que pretendía crear un exército común. Esta proposta foi rexeitada polas distintas Cortes da Coroa de Aragón». Rodríguez explica onde está o erro: «O catastro de Ensenada non foi un proxecto do conde-duque de Olivares, que fixo un proxecto que se chamaba a Unión de Armas, para crear un exército que contara con soldados e recursos de todos os territorios de España». O segundo erro era sinalar que Cataluña quedara na Coroa se esta respectaba os seus foros, non perdéndoos, como dicía o texto inicial.