O presidente da Xunta suxire que os seus orzamentos para o vindeiro ano quedarán por baixo dos 9.000 millóns de euros.
-¿Están a elaborar os orzamentos da Xunta do 2013?
-Estamos a punto de recibir as transferencias do Goberno central ás comunidades.
-Pero xa coñecen outras variables clave. ¿Serán inferiores ou superiores aos deste ano?
-Sobre temas de gasto público en España vamos a tardar anos en poder ter incrementos.
-¿Caerán da barreira dos 9.000 millóns, xa que logo?
-Insisto, España ten que pagar unha cantidade de débeda que dá vertixe, sen deixar de activar políticas de crecemento. E nós, que levamos tres anos respectando o obxectivo de déficit, queremos seguir cumprindo o do 2013, que será do 0,7 %.
-Demasiado baixo...
-Moi ambicioso, sen dúbida.
-Teríalle gustado un maior.
-Sería máis xusto facer diferenzas entre comunidades que cumpren e que non.
-Tamén atoparon, semella, algo de fricción con Madrid pola reforma local que prepara...
-Dende a lealdade institucional, temos que presentar as alegacións que vemos oportunas.
-Esa reforma non vai moito pola liña das fusións municipais pola que vostede tanto apostou.
-A fusión dos concellos é un problema exclusivamente de tempo, creo. Ao mellor hai que esperar un momento económico de menor convulsión, de menor urxencia nacional, pero a vía da fusión dos concellos está aberta e non ten volta atrás.
-O texto, co dos límites salariais, tamén pode xerar rebelións de alcaldes de concellos pequenos.
-Hai que darlle unha volta a esa cuestión e creo que se dará.
-Na práctica, o Goberno central ten paralizado o eólico galego...
-Hai unha decisión de parar a ver como se paga o burato do déficit tarifario, a prima anterior. Pero o concurso eólico sigue adiante e hai empresas interesadas. A maioría dos nosos parques son rendibles sen prima.
-¿Haberá outro concurso?
-Cos megavatios excedentarios, si, por suposto.