Iluminación e pista de xeo, algúns dos eixos do «corazón» que estenderá ilusión dende Soneira. Así será o programa este 2025/2026
29 nov 2025 . Actualizado a las 18:59 h.#BrillaVimianzo é o lema elixido este ano en Vimianzo para aglutinar toda a súa programación de Nadal, dada a coñecer este sábado e na que, un ano máis, volverá estar esa pista de xeo que vén facendo da capital de Soneira un punto de encontro de xentes chegadas do propio municipio, doutros puntos da comarca e de máis alá: abrirá o día 6. Unha xornada antes, o venres 5, e como xa se tivera anunciado, será o acendido de luces —20.00 horas—, tamén coa apertura do Recuncho Gastronómico que volverá levar á Praza do Concello propostas doces e salgadas, froito da «valentía» dos hostaleiros, en palabras de Mónica Rodríguez, alcaldesa.
Sinalou ese alumeado como «parte fundamental», froito dunha aposta e «esforzo dende as arcas municipais», feito «con ilusión e ganas, creatividade, como corazón da Costa da Morte queremos brillar, ese é o noso lema». Brillará a capital municipal e as 14 parroquias, ás que volverán levarse este ano ademais Cantos de Nadal.
Teatro, música, conciliación, deporte, tradicións e personaxes máxicos destas datas iranse sucedendo ata o 11 de xaneiro, tempo no que tamén se terá moi presente ao comercio e hostalaría, dende o que se absorberá o ir e vir de xentes, mais tamén se impulsará co Concello unha nova edición da campaña Mercabólas. Cultura, Turismo, Comercio, Deportes, Obras ou Servizos Sociais son todas elas áreas implicadas no Nadal, o cal se agradeceu. Luces, encontros e emocións sosteñen un «cartelazo» difundido con «orgullo».
O programa de Vimianzo
Actividades xerais
- Venres, 5 de decembro: ás 20.00, na praza do Concello, acendido da iluminación de Nadal e apertura do Recuncho Gastronómico. Espectáculo «Tibu e os seus amigos» e chocolate de balde.
- 6 de decembro: Presentación da campaña de comercio Mercabolas.
- 12 de decembro: Inicio dos Cantos de Nadal, ata o 22. Percorrendo as distintas parroquias irán Teté Teatro (Salto) e o grupo de gaitas O Revoltixo de Carantoña.
- 15 de decembro!: Inauguración da pista de xeo, que volve un ano máis: 17.00.
- Do 16 ao 19 de decembro: Visitas de Papá Noel aos centros educativos.
- 23 de decembro: Tradicional acendido do Cepo de Nadal na lareira do castelo.
- Do 23 de decembro ao 7 de xaneiro: Concilia Nadal, actividades para os máis pequenos, con opción de madrugadores.
- 5 de xaneiro: Cabalgata de Reis.
- 11 de xaneiro: Duatlón de Reis.
Citas no Recuncho Gastronómico
- 5 de decembro: Trala apertura, o día do acendido, actuará o mago Chaly Braun, con «The Polar Express Magic».
- 13 de decembro: Festa infantil da man de Javi Solla.
- 14 de decembro: Concerto de Nadal da asociación Trubisquiña (18.00 horas).
- 20 de decembro: Concerto de Alana (21.00). Talento da casa e da comarca.
- 22 de decembro: Peche dos Cantos de Nadal con Teté e O Revoltixo (20.00).
- 23 de decembro: Animación coa visita de Papá Noel, de 17.00 a 19.00 horas.
- 24 de decembro: Festa xa de mañá, de 11.30 a 12.30, con Teatro Calavera. Ás 13.00, recepción a Papá Noel, que seguirá coa festa entre as 17.00 e as 19.00.
- 26 de decembro: Actuación de Suso de Andrea, máis talento local (21.00).
- 27 de decembro: Monólogos co grupo Mortos de Risa, de Camelle.
- 28 de decembro: Ás 18.00 horas, «Os contos de Lobicán», con Redrum Teatro.
- 31 de decembro: Gran festa infantil con Peque Disco Moc Moc and Remember Temazos 90-2000: de 11.30 a 13.00 horas. Farase unha pequena pausa ás 13.00 para as tradicionais «prebadaladas».
- 2 de xaneiro: Concerto do dúo D’Festa.
- 3 de xaneiro: Concerto de Nadal a cargo de Irma Macías e Luís Pinto.
- 4 de xaneiro: «Kamishibai do Nadal», a cargo de Juan Juste.
- 10 de xaneiro: Despedida Rokiño.
Casa da Cultura e auditorio
- 6 de decembro: Dobre sesión do monólogo de Touriñán «Aquí tou»:18.30 e 21.00.
- 19 decembro: Entrega de premios do concurso fotográfico «Luz na soidade».
- 21 de decembro: «As lambetadas de Nadal», a cargo de Os Bolechas. Entrada dos premios do concurso de postais.
- 26 decembro: Musical «The Grinch: un cuento de Navidad». Entradas: ataquilla.com