Álex López-Benito

Últimos artículos publicados

19 dic 2024

Ana Paúl, directora de innovación do CTAG: «El modelo eléctrico no debe ser la única vía en el futuro de la automoción»

A enxeñeira industrial visitou o IES Pino Manso de O Porriño no programa «De 0 a 100», que realiza La Voz coa consellería de Educación, para falar da súa dilatada experiencia adicada aos coches. 
Paúl (Valladolid, 1970), unha das mulleres que máis sabe da industria automotriz do país, compartiu cos estudantes de secundaria o momento no que se decatou de que quería achegarse aos coches. «Recuerdo perfectamente unas Navidades, a finales de los 70, en las que a mis hermanos los Reyes Magos les trajeron un coche teledirigido sin cables. Aquello me pareció increíble», recorda Ana. Aínda que aquel agasallo era máis para eles que para ela, sería a nena quen acabaría iniciando anos despois unha carreira centrada na automoción. Ser muller nun mundo de homes, asegura que non lle impediu participar no desenvolvemento de diferentes modelos, tanto para SEAT en España coma para o grupo Volkswagen en Alemaña: «En Alemania esperaba que la situación estuviese más equilibrada en cuanto a sexos, y sin embargo había más mujeres en los equipos de ingeniería en España». 
Unha das cuestións que mais interese despertou é a situación de incertidume para os consumidores á hora de cambiar de coche. «El modelo eléctrico no debe ser la única vía en el futuro de la automoción», sinalou a enxeñeira, que se amosou preocupada, coma o resto do sector por unhas vendas de coches eléctricos que non están despegando, provocando unha crise na industria despois de que a UE instase aos fabricantes a abandonar a produción de turismos de combustión. «Está claro que debemos tener menos emisiones, pero en según que casos, hay vehículos en los que el modelo eléctrico no tiene porqué ser el mejor», aportou sobre o tema. O vindeiro ano 2025 as gamas dos fabricantes deben reducir as súas emisións ou expoñerse a multas. En 2035 non poderán segundo o regulamento europeo actual venderse coches de combustión: «solo habrá una excepción, los que empleen combustibles sintéticos y no fósiles». Fala con orgullo do Centro Tecnolóxico de Automoción de Galicia (CTAG), ubicado precisamente no municipio porriñés e a onde chegou en 2005. Dende entón, como directora de innovación, liderou avances na industria que fan que moitos dos coches que se conducen conten con sistemas desenvolvidos en parte en Galicia, gracias a acordos de colaboración con diferentes fabricantes.

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA

05 dic 2024

Lois Orosa en «De 0 a 100»: «O maior valor do Cesga é o apoio á comunidade científica»

O director do Centro de Supercomputación de Galicia (Cesga) fai balance dos 31 anos que a organización leva ofrecendo os seus servizos. Actualmente máis de 1.400 usuarios botan man del para diferentes proxectos de I+D+i, que se benefician do emprego dos seus sistemas de altas prestacións. Entidades coma MeteoGalicia, por exemplo, melloran as súas previsións meteorolóxicas gracias aos seus sistemas de procesamento de datos. E nos seus equipos de almacenamento, actualmente de 35 petabytes (PB), albergaranse nun periodo de cinco anos mostras de ADN de 400.000 galegos, coas que no futuro poderán identificarse variantes xenéticas de risco e así «previr e anticipar enfermidades». Lois Orosa (Santiago, 1982), detallou algúns dos destacados proxectos en marcha e o traballo do centro aos alumnos do IES Pontepedriña, no que el mesmo estudou, no programa que La Voz realiza en colaboración con Consellería de Educación. «Para nós, que aceptamos proxectos que supoñan avances en investigación, é fundamental contribuir con iniciativas que xa están repercutindo na mellora da calidade de vida dos galegos», sinala Orosa poñendo como exemplo a cada vez máis precisa previsión do tempo que MeteoGalicia pode ofrecer. A cartografía e os mapas detallados da comunidade tamén son datos que dixitalizados e interpretados polas súas computadoras teñen moito valor. «Non só se trata de Sistemas de Información Xeográfica, Augas de Galicia pode monitorizar en tempo real datos hidrográficos evitando o risco de inundacións», ampliou a explicación ao respecto para o alumnado de 4º da ESO do centro de secundaria. A mediados de 2026 o Cesga verá ampliadas as súas instalacións no Campus Sur de Santiago cun novo edificio no polígono compostelano de A Sionlla, que suporá albergar unha nova evolución da súa supercomputadora Finisterrae e contar con máis almacenamento de datos.

IAGO GARCÍA / SENÉN ROUCO / ÁLEX LÓPEZ-BENITO

Anterior Siguiente